Latest Videos

Click to follow us on tunein

Radio KPS TOU TAN

Top songs of the month

Web Traffic

Total36357

Monday, 22 May 2017 17:16

Who Is Online

Guests : 5 guests online Members : No members online
  • black party7
  • black party5
  • black party3
  • black party6
  • black party1
  • black party4
  • black party4
  • book 3pbanner

RIBRIK SANTE NATIREL

  

 

 Jude pixMwen bese chapo m byen ba poum salye tout Ayisyen ki branche website RADIO KPS .COM. Mwen èspere ke nou trè byen gras a Dye. Jodia mwen vinn pataje ak nou 1er ribrik mwen, se yon Ribrik ki pral ede nou ak sante nou e vèti plant nou yo. Jodi a nou pral koze sou side effects anpil medikaman nou abitye pran, rale ti chèz ba nou...............nou pral koze.

 

 Mwen ekri plizyè atik sou pwoblèm gason ak fanm, pwoblèm tankou enpotans seksyèl. Anpil fwa mesye yo ap fè bèk atè se paske yo viktim de pwòp medikaman pa bokit doktè yo ap prèskri yo. Mwen pote pou nou yon seri de medikaman ki atake karebare  ED/erectile dysfunction. San pale anpil me yon lis medikaman ke depi nap pran yo nou genyen anpil chans pou nou sispann gason. Mwen byen di nou wi<<Anpil chans>> Men se pa toujou………...

  

Avan mwen ba nou kèk nan non medikaman sa yo, tandem byen! Anpil fwa wou menm ki jèn gason kapab remake virilite ou kòmanse bese depi w te konmanse ap bwè remèd pou desann move kolèstewòl, ou byen pou desann tansyon, ou byen pou rive kontwole nivo sik/dyabèt, etc. Avan, nou te byen anfòm, nou bay randman tèt kale………Jounen Jodi anpil nan nou pa menm ka fè 1 mitan ankò. C’est triste, e bagay sa yo konn menm rive kraze fwaye/foyer. Pap genyen okenn moun pou ki vinn ba nou zannanna pou sizan. Something is wrong somewhere!

 

 Medikaman ki fèt a baz de STATINS…………………….Pou desann kolèstewòl/LOW CHOLESTEROL. Side effects yo valab ni pou fanm, ni pou gason.

 A-     ATORVASTATIN (LIPITOR), ROSUVASTATIN (CRESTOR), SIMVASTATIN ak tou EZETIMIBE (VYTORIN). Sa se 3 nan yon dal ak yon pakèt medikaman ki fèt a baz de STATIN. Mwen pa di okenn moun pou pa pran medikaman sa yo, se pa sa mwen di. Sèl bagay si avan ou pate konn fè bèk atè, pandan ke wap pran medikaman sa yo, wap remèt monnen,  ou byen wap devlope lòt maladi ou sentom ke ou pa te genyen avan, di doktè ou tanpri chanje yo pou wou e pa prèskri wou nan menm fanmiy medikaman sa yo ankò. Li kapab rive medikaman sa yo pa fè okenn domaj/side effect  nan vi pa wou, di bon Dye mèsi. Me domaj medikaman sa yo konn pwodwi lakay nou: Doulè miskilè/Muscle pain, fatig, pèd memwa/Memory loss, pa ka dòmi/insomnia, bèk atè/sexual dysfunction, etc.

 Medikaman Antidepresan…………………..Pou kalme kanmarad ki fè depresyon. Side effects yo valab ni pou fanm, ni pou gason.

 B-      CITALOPRAM (CELEXA), ESCITALOPRAM (LEXAPRO), FLUVOXAMINE (LUVOX), PAROXETINE (PAXIL), FLUOXETINE(PROSAC), anfen SERTRALINE (ZOLOFT). Mwen pa di okenn moun pou pa pran medikaman sa yo, se pa sa mwen di. Sèl bagay si avan ou pate konn fè bèk atè, pandan ke wap pran medikaman sa yo, wap remèt monnen, ou byen wap devlope lòt maladi ou sentom ke ou pa te genyen avan, di doktè ou tanpri chanje yo pou wou e pa prèskri wou menm fanmiy medikaman sa yo ankò. Li kapab rive medikaman sa yo pa fè okenn domaj/side effect  nan vi pa wou, di bon Dye mèsi. Medikaman sa yo pafwa konn ede malad la pou li pa touye tèt li, yo kapab anpeche sa rive kote yo slow moun nan down. Side effect medikaman sa yo anpil, tankou: Konstipasyon, dyare, fanm yo konn pa ka rive genyen Orgasm/loss ability to orgasm, moun nan konn vinn gras/ Weight gain, anxiety, etc. Jan de medikaman sa yo konn fè medam yo pa janm ka jwi sèks/sex paske yo pap janm fini…..nou deja konprann….kreyòl pale kreyòl konpran, hmmmmmmmmmmm tèt chaje !

  Mwen genyen yon lis chaje ak medikaman tèt anba, èspas la piti poum ta mete tout medikaman yo. Nap kase randevou pou lòt semènn, map pote plis list/liste medikaman malouk ke gwo mesye kòporasyon/corporate yo fabrike pou fè anpil dola.

 Map kanpe la pandan ke mwen ak website RADIO KPS ap swete nou tout “bòn vakans”. Pa fè eksè, ni enpridans, konsa nap jwi vakans la nan lapè ak lanmou. Mezanmi fòk nou pale avèk doktè nou, Fòk nou pa pè doktè nou yo, di yo sa nou santi ki pa korèk.....nan benyen toutouni pa gen kache lonbrit. Mèsi pou pasyans nou, si nou genyen kesyon ou byen kritik pa ezite rele nou (305-709-7612) ou byen e mail nou This email address is being protected from spambots. You need JavaScript enabled to view it. , nou pa genyen okenn pwoblèm ak kritik. Que Jéhovah Dieu vous garde!  JUDE ETIENNE (LANDSCAPIST/HORTICULTURIST) ZANMI LANATI AYITI – ZALAY.

 

 

 

 

 

 

 

 

 

 

 

 

 

 

 

 

 

 

 


Warning: Creating default object from empty value in /home/radio389/public_html/modules/mod_feed/helper.php on line 37
Haitilibre.com / Flash infos